صبحونه ی مازرونی
سلامله کوم
 زمسونه سرد ه و صواحی سر
جان پر
بالا كلسي نيشتي و ماشه ته دس دره، همتي دره تشه بالا پائين و مرتب كني.
ونگ كني:
توران ، توران ( مه مار)، اون لووتكائه پلا ره بيار
مه جانه مار لووه ی پلا ره كه زرك دونه( گرده) جا كته بپته و اشون بخردنه و اتي بمونسه را با اتا كترا اياينه دنه، مه پره دس.
مامان شونه پنير خيكي و آغوز چكه ره اياينه و بعدش شونه چند تا اسكان چايي كنه
و چاییه دله چن تا گره قن دم دنه و هر كدومه دله اتا چايي خوار قاشق اله و اله امه پلي.
همينجور كه اما درمي چايي ره هي زمي، آقا جان كترا جا لووه دله پلا ره
قالبي در اياينه و اله ماشه ي سر و اله كله ي تش سر!
پلائه بشتي ، تشه سر برويشت بوونه و آقاجان پلا ره پشت و رو كنه و دو باره اله تش سر ، پلائه دور ور حسابی برويشت، برويشت و سيو بونه!
اياينه اما همه سه قس كنه!
داغ پلا و پنير خيکي و آغوز چكه و شيريندار چايي!!
صبونه اينجوري هيج جاي دنيا دنيه.
شمه قربون: عبدالله قهقائی